من نحن؟
إحنا كارول من امريكا ٨٣ سنة و منى من السعودية ٣٤ سنة جمعنا القدر بقصة ولا في الاحلام وكاننا اجتمعنا من عالم موازي ماله اي صلة بالعالم الواقعي ولكن لقينا في انفسنا اشياء متشابهه لا حصر لها شغف وحب للتصميم والاعمال اليدوية واي شي يشغل يدينا تلقانا فيه.
كارول تصمم وتشتغل في الاعمال اليدوية من ٥٠ سنة والصدق كانت تبيع منهم الكثير يوم كانت في امريكا، نجي لمنى كنت احب الرسم والتلوين وبعدها بفترة توجهت للاعمال اليدوية وبدعم من كارول صرت احب تصميم التيشرتات احب البسها كثير واشتريها اكثر ولكن في بعض الاحيان ما احصل التصاميم اللي تمثلني او اللي تلامس مخيلتي بدايتي كانت لما كارول تطلب مني اصمم تيشرت لعايلتها في امريكا وانفذها على تيشرت ونرسلها وللامانه ماتوقعت تعجبهم لهادرجة، ومن بعدها طلعنا بفكرة مره تجنن وحلوة واللي هي دمجت حب التلوين مع اللبس المفضل التيشرت وبكذا اجتمعت الراحة مع الابداع وتفاصيل شخصية في تيشرت من اختيار العميل والفكرة تتلخص في التالي:
نصمم اول حرف من اسم الرهيبين اللي يطلبون منا مثال حرف C وراح نضيف جوا حرف الــ C صور تعبر عن شخصية العميل مثال: اطلق اكله، الهواية المفضلة، المشروب الخارق، مدينة ساحرة...إلى آخره. الى ان يمتلئ الحرف تماما بمفضلات العميل الى هنا حلوين ننتقل للخطوة اللي بعدها وهي بتكون جميع الصور والاضافات راح تكون بالابيض والاسود فقط وهنا تجي المتعة نرفق مع التيشرت بعد الطباعة الوان قماش وفرش ويطلع العميل فنه وابداعه في تيشرته بحيث يلونهم بنفسه ولاتخافون بنحط نماذج في الموقع بحيث تتطلعون على الفكرة بشكل اوسع الفكرة مره رهيبة ومره تونس.
مو بس كذا اذا انتوا ناس عمليين وتبون تصاميم بدون مرحلة الابداع برضو ماعندنا مشكلة نصمم ونطبع تصاميمكم اللي متاكدين انها بتكون رهيبة مثلكم.
برضوا نطبع ستيكرز جاهزه او حسب الطلب على عدة انواع مختلفة من اوراق الطباعة ذاتية اللزق.
تابعونا على السوشل ميديا سردنا حساباتنا كلها تحت نتشرف فيكم وبابداعاتكم يابعدهم كلهم.
Creative Girls
كارول & منى
